Xayriddin Saloh hayoti va ijodi

Slayd 1

Xayriddin Saloh hayoti va ijodi.
She’rlari

Slayd 2

Shoir haqida
G‘oyat qisqa umri davomida bir qator yorqin she’riy asarlar yozib qoldirishga ulgurgan jo‘shqin shoir Xayriddin Saloh (Salohiddinov) 1934-yilning 15- yanvarida Toshkentda tug‘ildi.
Maktabda o‘qib yurgan paytlaridayoq badiiy so‘zga bo‘lgan qiziqish Xayriddinni keksa shoir G‘ayratiy rahbarlik qilgan adabiyot to‘garagiga boshlab keldi. To‘garakda bo‘lajak shoir Erkin Vohidov, Yusuf Shomansur, Sayyor singari tengdoshlari bilan ijod sirlarini o‘rganadi.

Slayd 3

Ilk she’ri
1950-yilda bosilib chiqqan

Slayd 4

O‘rta maktabni tugatgan Xayriddin Toshkent davlat pedagogika instituti (hozirgi Pedagogika universiteti)ning tarix-filologiya fakultetiga o‘qishga kirdi va uning kechki bo‘limini 1957-yilda tugatdi. Shundan so‘ng shoir «O‘zbekiston madaniyati» gazetasi, «G‘uncha», «Gulxan» jurnallarida adabiy xodim bo‘lib xizmat qildi.

Slayd 5

She’riy to‘plamlari
«Chashma» (1959),
«Ikkinchi imtihon» (1961)
«Ishqim va rashkim» (1965)
«Tug‘yon», «Na’matak» (1969)
«Izlar va hislar» (1974)
«Shu’lalar qo‘shig‘i» (1975)
«Lirika» (1985)

Slayd 6

Dostonlari
«Laylo»
«Yangroq hayot»
«Toshkent bilan suhbat»

Slayd 7

Tarjimalari
Bayron,
Heyne,
Lermontov,
Shevchenko,
Hamzatov asarlarini tarjima qilgan.

Slayd 8

Serqirra ijodkor Xayriddin Saloh 1969-yilning 5-iyunida vafot etgan.

Slayd 9

“Yulduzlar afsonasi” she’ri
Bobolarning gapi shunday: «Har kechaning kunduzi bor,
Har kimning o‘z nasibasi, har kimning bir yulduzi bor».
Gar tug‘ilsa biror go‘dak, derlar: «Ortdi yulduz soni,
Yana bitta mayoq bilan boyib qoldi yurt osmoni».
Biror yulduz uchsa, derlar: «Kimdir o‘tdi bu olamdan,
Ko‘hna dunyo ajrab qoldi, evoh, yana bir odamdan».

Slayd 10

“Ko‘krak ochdim shamollarga” she’ri
Ko‘krak ochdim shamollarga,
Bisotimni sarf etdim.
Ular shirin xayollarga
Meni butkul g‘arq etdi.
Shamollarga bitib sho‘x kuy
Taklif etdim bog‘imga.
Chamanlardan ular xushbo‘y
Sepishdi dimog‘imga.

Slayd 11

“Yer va ter” she’ri
Men bilmayman yer kabi ulug‘
Tabiatning zo‘r tuhfasini.
Inson unga sochib don – urug‘
Topgan rizq-u nasibasini.
Buncha shirin bo‘lmas edi non,
Tandir lov-lov qo‘rin bermasa.
Nonday aziz bo‘lmasdi inson,
Yerga manglay terin bermasa.

Slayd 12

Foydalanilgan adabiyot:
Adabiyot: Umumiy o‘rta ta’lim maktablarining 7-sinfi uchun darslik-majmua. Qayta ishlangan 4-nashri / Q.Yo‘ldoshev, B. Qosimov, V. Qodirov, J. Yo‘ldoshbekov. – T.: «Sharq», 2017.

Slayd 13

E’tiboringiz uchun rahmat!

Slayd 14

Foydali havolalar

🛒 Barcha taqdimotlar | 📰 Yangiliklar | ℹ️ Biz haqimizda