Saida Zunnunova hayoti va ijodi

Slayd 1

SAIDA
ZUNNUNOVA
(1926-1977)

Slayd 2

Saida Zunnunova 1926-yili 15-fevralda Andijon shahrida xizmatchi oilasida dunyoga keldi.
Otadan erta yetim qolgan shoira onasi va qarindoshlari qo‘lida ulg‘aydi, kamol topdi.

Slayd 3

Andijon shahridagi 30-maktabni tugatgach, 1941-1943-yillarda Andijon o‘qituvchilar institutida o’qidi.
Birmuncha muddat maktabda muallimlik qildi, viloyat gazetasi redaksiyasida ishladi.

Slayd 4

1947-1952-yillarda Saida Zunnunova O‘rta Osiyo davlat universiteti filologiya fakultetida
tahsil oldi.

Slayd 5

Ilk she’r
Saida Zunnunovaning ilk she’ri — «Salom senga» 1945-yili Andijon viloyatining «Paxta fronti» gazetasida bosilgan.

Slayd 6

Ustoz e’tirofi
«Saidaning birinchi kitobini o‘qib, «Qizingiz yozdi» (1948-yil) deb nom qo‘yib berganman, Xalqimizning Saidaga qilgan yaxshi niyati bekor ketmadi. U xotin-qizlarga xos nazokat, iforli, tatimli lirikasi bilan dillarimizni erkalab, hordiqlarimizni yozib, mehnatga rag‘batlarimizni toblantiradigan, idrokimizni go‘zalliklar tomon yetaklaydigan fahmli shoiramiz bo‘lib yetishdi».

Slayd 7

ASARLARI
She’riy to‘plamlari:
• «Yangi she’rlar», «Gullar vodiysi», «Qizlarjon», «She’rlar», «Bir yil o‘ylari», «Nilufar»;
• Dostonlari:
• «Sodiq va Anor», «Xayrixon», «Surat bilan suhbat», «Qo‘shnilarim»;
• Kitoblari:
• «Gulbahor», «Povest va hikoyalar», «Gulxan», «Do‘stlik», «Qanot», «Olov», «Ko‘chalar charag‘on», «Bo‘ylaringdan o‘rgulay»;
• Pyesalari:
• «Ona», «Ko‘zlar».

Slayd 8

«Surat bilan suhbat» dostoni haqida
Bu asari bilan shoira iymoni butun onalarga, ayollarga madhiya bitadi. Dostonda onaning urush tufayli ota mehridan benasib bo‘lgan, ne mashaqqatlar bilan o‘stirgan o‘g‘lining nikoh kechasidan keyingi iztirobli o‘y-xotiralari tasvirlanadi. Onaning qalbida ikki qarama-qarshi kechinma — farzandining kamolga yetganini, to‘yini ko‘rganidan quvonch, shukronalik hamda shu kunlarga yetolmaganlar haqidagi g‘am-anduhli xotiralar kurashadi.

Slayd 9

Saida Zunnunova 1977-yili 51 yoshida vafot etdi.

Slayd 10

“QIZIMGA” she’ri
Jahon mening bag‘rimdami yo men jahon bag‘rida,
Yuz bahorning yellarimi sochlarimni silagan?!
Ming gulshanning gullaridan rohatbaxsh bu qo‘lchalar
Baxtga ko‘mib yuragimni, yuzlarim erkalagan…

Slayd 11

Bilimingizni SINANG!
«Jahon mening bag‘rimdami yo men jahon bag‘rida, Yuz bahorning yellarimi sochlarimni silagan?!» misralari qanday hayotiy lavhani ko‘z oldingizda gavdalantirayapti?
She’rda qo‘llangan «oqshom», «oy», «oppog‘im» so‘zlarining mazmuniy bog‘liqligi orqali yuzaga chiqayotgan badiiyatni sharhlashga urining.
Tabiat va inson uyg‘unligini qayd etish orqali ko‘zda tutilgan maqsadni ilg‘ashga urining.

Slayd 12

Buvilar duoga qo‘llarin ochib…
Buvilar duoga qo‘llarin ochib,
«Boshi toshdan bo‘lsin», — der jigarlarin.
Buvalar yelkaga ortib, opichib,
Aziz buvijonlar, aziz buvalar,
Yodingizda bo‘lsin yana bir tilak.
Boshi toshdan bo‘lsin jigarlaringizning,
Ammo tosh bo‘lmasin ko‘ksida yurak.

Slayd 13

“MENING VATANIM” she’ri
Yuz yil umr ko‘rsam,
yuz yil she’r yozsam,
Yuz yil ta’rifingni
aytsam muttasil.
Baribir, sevgili
yor rasmini
Chizmoqqa munosib
rang topolmayin
Chamanda tentirab
yurgan rassomday,
Sening tasviringga
so‘z axtararman.
So‘zlar sarasidan
shu bugungiday.
Yuz yilgi she’rimni
Yig‘salar hamki,
Bo‘lmaydi dildagi
sevgimday asil,
Ey, mening Vatanim,
mening Vatanim!

Slayd 14

O’ylab ko’ring!
1.«Mening Vatanim» she’rida «sevgili yor rasmini Chizmoqqa munosib rang topolmayin Chamanda tentirab yurgan rassomday» Vatan tasviriga so‘z axtarayotgan shoiraning yurtga muhabbati qay darajada ekanligini siz ham tuydingizmi?
2. «Yuz yilgi she’rimni Yig‘salar hamki, Bo‘lmaydi dildagi sevgimday asil» misralarining ma’nosini sharhlang.
3. Vatan uchun qurbon bo‘lishga shoiraning “Aziz tuprog‘ingni ko‘zimga surtib, Bahorda barglarga yuzimni surtib Insonlik hurmati” bilan qasam ichishining sababini qanday tushunasiz?

Slayd 15

E’tiboringiz uchun rahmat!

Slayd 16

Foydali havolalar

🛒 Barcha taqdimotlar | 📰 Yangiliklar | ℹ️ Biz haqimizda