Yengil atletika bo’limlari va turkumlanishi

Slayd 1

Yengil atletika bo’limlari va ularning turkumlanishi

Slayd 2

Reja:
Yengil atletika bo’limlari
Ularning turkumlanishi

Slayd 3

Yengil atletika besh bo’limdan: yurish, yugurish, sakrash, uloqtirish va ko’p kurash turlaridan iborat bo’lib, ularning har qaysi ichki guruhlarga bo’linadi. Yengil atletika turlarining umumiy tasnifi keltirilgan. Ularni ketma-ketlikda tavsiflab o’tamiz

Slayd 4

Yurish – insonning joydan-joyga ko’chishidagi oddiy usul bo’lib, turli yoshdagi kishilar uchun ajoyib jismoniy mashq hisoblanadi. Uzoq va bir tekis yurganda a’zoyi badandagi qariyb barcha mushaklar ishlaydi, organizmdagi yurak-qon tomir, nafas olish va boshqa tizimlar faoliyati kuchayadi, natijada modda almashinishi ortadi.
Jismoniy mashq sifatida odatdagi yurishning, avvalo, sog’lomlashtirish ahamiyati bor. Odamni ilk bolalik chog’idan yurishga o’rgatadilar.
Lekin bu bilan kifoyalanib bo’lmaydi. Hamma odamlar to’g’ri, chiroyli va tejamli yura bilishlari zarur.

Slayd 5

Oddiy yurishdan tashqari, yurishning boshqacha xillari ham boladi: sayohatda yurish, safda yurish va sportcha yurish. Musobaqalarda yurishning texnika jihatidan eng qiyin, lekin eng foydali turi – sportcha yurish qo’llaniladi. Uning tezligi oddiy yurishga nisbatdan ikki marta ortiq. Ammo bunday yuqori tezlikka erishish uchun sportcha yurish texnikasi asoslarini o’rganib olishning o’zigina kifoya qilmay, balki oddiy yurishga qaraganda anchagina jadalroq ish bajarish talab qilinadi, ya’ni energiya sarflash ortadi. Shu sababdan sportcha yurish bilan shug’ullanish sportchi organizmiga ancha ta’sir etib, uning ichki a’zolarini va tizimlarini mustahkamlaydi, ularning ish qobiliyatini oshiradi, kuchni va ayniqsa chidamlilikni rivojlantirishga ijobiy ta’sir ko’rsatadi, irodali bo’lishga o’rgatadi. Shuning uchun ham yetuk tez yuruvchilar juda chidamli boladilar. Yurish musobaqalari stadion yo’lkalarida (soat strelkasi harakatiga teskari yo’nalishda) va oddiy yo’llarda (shahar kochalarida, soqmoqlarda va hokazo) 3 kilometrdan 50 kilometrgacha masofada o’tkaziladi.

Slayd 6

Yurish musobaqasida qatnashuvchilar, qoidada belgilangan yurish texnikasi xususiyatlariga rioya qilishlari kerak. Bularning eng asosiysi bir lahza bolsa ham ikkala oyoq bir vaqtda yerdan uzilib qolishiga yo’l qoymaslikdan iborat. Oyoqlardan birontasi yerga tegmay turgan fursat sodir bolgudek bo’lsa, sportchi yurishdan yugurishga o’tgan hisoblanadi. Bu qoidani buzgan sportchini maxsus hakamlar musobaqadan chetlatadilar.

Slayd 7

Yugurish – joydan-joyga ko’chishning tabiiy usuli. Bu jismoniy mashqning ko’proq tarqalgan turi bo’lib, juda ko’p sport turlari (futbol, basketbol, tennis va boshqalar) tarkibiga kiradi. Yugurishning juda ko’p xillari yengil atletika turlarining organik qismi hisoblanadi. yugurganda butun organizmning ish qobiliyatiga qo’yilgan talab yurgandagiga nisbatan anchagina katta bo’ladi. Chunki yugurganda a’zoyi badandagi mushak guruhlarining deyarli hammasi ishga tushadi, yurak-qon tomir, nafas olish va boshqa tizimlar faoliyati kuchayadi, modda almashinish ancha oshadi.

Slayd 8

Slayd 9

Yugurish — har tomonlama jismoniy rivojlanishning asosiy vositalaridan biri. Barcha mutaxassislikdagi yengil atletikachilarning ham, boshqa sport turlari bilan shug’ullanuvchilarning ham mashqlarida yugurishga ko’p e’tibor berilishi, shuningdek faol dam olish, sog’lomlashtirish va ish qobiliyatini saqlash vositasi sifatida yugurishning ulushi katta ekanligidan dalolat beradi.

Slayd 10

Sakrash – to’siqlardan o’tishning tabiiy usuli bolib, qisqa vaqt iIchida asab mushak kuchiga maksimal zo’r berish bilan xarakterlidir.
Yengil atletik sakrash mashg’ulotlarida sportchilarning o’z tanalarini idora qila bilish, kuchlarini yig’a bilish qobiliyatlari takomillashadi, kuch, tezlik, chaqqonlik va mardlik orta boradi. Sakrash — oyoq va tana mushaklarini kuchaytirish va sakrovchanlikni hosil qilish uchun eng yaxshi mashqlardan biri bo’lib, faqat yengil atletikachilargagina emas, balki boshqa sport turlarining vakillariga ham, ayniqsa, basketbol, qo’lto’pichi va futbolchilarga zarurdir.

Slayd 11

E’tiboringiz uchun rahmat!

Slayd 12

Foydali havolalar

🛒 Barcha taqdimotlar | 📰 Yangiliklar | ℹ️ Biz haqimizda